ރާގު: ނައޭ ޒަމީންތީ
ނަބީ އަމީނޭ ވަޑައިގަތީމާ ނިޝާން އިލާހީ ވިދައިގަތީމާ
ނަބީ އަމީނޭ ވަޑައިގަތީމާ ނިޝާން އިލާހީ ވިދައިގަތީމާ
ފަޖުރުލި ފަތިހޭ އުހެއްދި ނޫރޭ ފަވާލަނީ އާފާޤު ސަމާގައި
ނަބީއަމީނޭ
ފަޒާގެޢާލަމް ޖަރީކުރާށޭ ބަހާރުބިމުގާ އެކީހިގާށޭ
ދިރޭމިހަސްތީ ފިނީގެ ޝަބުނަމް ޙަޔާތަކަށް އާ ޖަމާވެލާށޭ
ގޮވައިދެނީ މަންޒަރޭ ޤުދޫމީ ރިޔާސުގައި ޝުކުރު ދަންނަވަންތާ
ނަބީއަމީނޭ
އިޝާރަތަށް މަލަކުނާއި ޖިބުރީލު ސަލާމްތަކާ ހެޔޮ ވެދުންތަކައިގެން
ވަޑައިގަތީ އާސިޔަތު ވަ މަރިޔަމް މިމާތް ސުވަރުގޭގެ ޙޫރުނާއިގެން
ޝުޢޫރުތަށް މަރުޙަބާގެ ފަށަނީ އޮހޭ މިދަރުބާރުގާ ހިގާންތާ
ނަބީއަމީނޭ
ވިދާލަނީ ޢަޟުމަތާއި ޖާހޭ ވުޖޫދުގައި ރަޙުމަތާއި ނޫރޭ
ރިސާލަތީ ޚާތިމުއްނަބިއްޔީން ދެ ޢާލަމުން އުފުލިދާނެ ސިއްރޭ
ވަށައިގެނޭ އަންނަނީ މިތަރުޙީބް ޝަރަފުގާއިދެ! އައްސަވަންތާ
ނަބީއަމީނޭ
No comments:
Post a Comment