ސީދާވެ ދުޢާއޭ ކުރެވޭމީ،
ތަކުރާރުވެވޭ އާދޭހުގާ
ހޭލާހުރެ ރޭގަނޑު ދަންވަރުގާ،
ކުއްތަންވެ ވަނީ އާދޭހުގާ
އުފަލާއި އަރާމާ ރާޙަތުގާ،
ލައްވާށި އަޅާ ހެޔޮ ނިޢުމަތުގާ
އުފެދޭނޭ ފިތުނަތަކާ ދުރުގާ،
މަތިވެރި މާތްވީ ރަޙުމަތްފުޅުގާ
ފުރިހަމަވި އަމާންކަން
ލިބެވޭހެން، ދަރުމައިގެ އެދޭ އުއްމީދު ވަނީ
ސީދާވެ ދުޢާއޭ ކުރެވޭމީ،
ތަކުރާރުވެވޭ އާދޭހުގާ
ހެޔޮހާވި މަގުން ކުރިހޯދޭހެން، ވިސްނުން ފަހިކޮށް ދެއްވާފާންދޭ
ނުސިޔާނު ޚިޔާލާ ފިކުރުތަކުން،
އަބަދަށްމެ ނަޖާކޮށް ދެއްވާންދޭ
ރޮވިފާމިއެދޭ ޚާލިޞްވި އެދުން،
ފަހިވާނެ ޔަޤީންކަން އާވަނީ
ސީދާވެ ދުޢާއޭ ކުރެވޭމީ،
ތަކުރާރުވެވޭ އާދޭހުގާ
No comments:
Post a Comment