ފަތިހު ފަރިވި މާތައް ހަވީރަށް މިލާހެން
ޒުވާންކަން މިލާމޯޅިވާތަން ދެކޭށޭ
ފަހުން ހެޔޮ ޢަމަލުތަށް ކުރުން ހިތު އަޅައިގެން
ވަހުމުގައި ޒުވާންކަން އޮޔާ ދިޔަ ނުދޭށޭ
އިތުރު ވަގުތު ނުމެދީ ހަރީފުގެ ނިރެއްހެން
ޒުވާންކަން މިލާ މޯޅިވާތަން ދެކޭށޭ
ޅަފަތުގައި ހަނދާންވޭހެ ވެއްޔާ ކުޅުނުކަން
ހިޔަންޏާ ތޮޅެން ރަތް އަވީގައި އުޅުނުކަން (2)
އެއީވެސް ހަޔާތޭ ލޮލަށްފެނުނު ވަގުތޭ
ކޮބާހޭ އެހުވަފެން ފިރާލާ ނިމިއްޖޭ
ފިކުރު ހިންގި ހިތަކަށް ދަރުސްތައް ލިބޭހެން
ޒުވާންކަން މިލާ މޯޅިވާތަން ދެކޭށޭ
ގެއަށް އަންނަ މެހެމާނު މިތުރާ ދެކޭށޭ
ދެތިން ދުވަހު މަޑުކޮށްލުމަށްފަހު ފުރާނޭ (2)
ޒުވާންކަން އެފަދައޭ އެހިނދު ކޮޅު އެފަދައޭ
ވުމާއެކު ވެހޭ ވަގުތު ފެންފޮދު ނަގާށޭ
ޒަމާން ދައުރުވާ ބާރުމިން ދޭހަވާހެން
ޒުވާންކަން މިލާ މޯޅިވާތަން ދެކޭށޭ
No comments:
Post a Comment