އަބަދު ސާފު ނޫރޭ މިއަލި ދޭހުގާއޭ،
ނިވާލަން އަގައިން އޭ ފުމޭކަށް ނުވާނޭ،
އިލާހީ މިޝަޢުލާ ދަނީ ކުރިއަރާއޭ – އަބަދު ސާފު ނޫރޭ
ވާދަވެރިކަން މަތީގާ ކިބުރުހޭވަނީ،
އާދަތައް އިހުގެވީ އަދު ޚަރާބޭ ވަނީ،
ތިމާމެންގެ ދީނާ ގޮތެއް ނުމެ ހިނގާނޭ،
އަބޫޖަހުލަށާ އަދި އަބޫލަހަބުނޭއޭ – އަބަދު ސާފު ނޫރޭ
ރުޅިއަރައިގެން މިތާވާނެ ކުދިކުދި މުޅިން
ކުޅިބަލާކަށް ނެތޭ ވަގުތު ތަނަވަސްވެގެން
ނިމޭދެންވި އާލަމް ވަޑައިގެން ނުދާށޭ
ހިދާޔަތުގެ ބިންގާވަނީ ހަރުވެފާއޭ – އަބަދު ސާފު ނޫރޭ
ހެޔޮ ސަޢާދަތު އެދެންޏާ ރުހޭށޭ އަހައި،
މާތް މުޙައްމަދު ނަބިއްޔާގެ ބަސްފުޅު އަހައި،
އެދޭނަމަ އެޖަންނަތު އެދޭނަމަ ޖަޙީމޭ،
ކުރަންވީ ޚިޔާރޭ ވަނީ އަތްމަތީއޭ – އަބަދު ސާފު ނޫރޭ
No comments:
Post a Comment